ՆԱԽԱՁԵՌՆՈՒԹՅՈՒՆՆԵՐ Կրթություն, գիտություն, մշակույթ
ԿՐԹՈՒԹՅՈՒՆ, ԳԻՏՈՒԹՅՈՒՆ, ՄՇԱԿՈՒՅԹ
"Գործընկերություն հանուն բաց հասարակության" նախաձեռնությունը նպաստելու է գիտության, կրթության և մշակույթի ոլորտների զարգացմանը, ինչպես նաև՝ բարեփոխումների իրականացմանը՝ քաղաքականության մշակմանն ու օրենսդրության կատարելագործմանն ուղղված քայլերով:
Միջնակարգ կրթության ասպարեզում՝ աջակցելու է համակարգի օպտիմալացմանը և ապակենտրոնացմանը վերաբերող բարեփոխումներին, միջնակարգ կրթության որակի և մատչելիությանը, կրթության իրավունքի ապահովմանը, ինչպես նաև այս ոլորտում հակակոռուպցիոն նախաձեռնություններին:
Այս նպատակներին հասնելու համար նախատեսվում է՝
• հանրակրթության մասին օրենքի և համապատասխան օրենսդրության ընդունմանն աջակցություն,
• կրթության որակի ապահովում, կրթական (ուսումնական և առարկայական) համակարգչային դասընթացներ ուսուցիչների համար, նոր առարկայական բովանդակությունների ստեղծում, էլեկտրոնային բովանդակության մշակում և զարգացում,
• համակարգի թափանցելիությունն ապահովող հակակոռուպցիոն նախաձեռնություններիn աջակցություն,
• Համաշխարհային բանկի վարկային ծրագրի հետ համագործակցություն, արդյունքների մոնիտորինգ և քննարկումներ:
Բարձրագույն կրթության ասպարեզում՝ աջակցելու է այն նախաձեռնություններին, որոնք նպատակ ունեն օժանդակել.
• բարձրագույն կրթության ներդաշնակմանը Եվրոպական չափանիշներին և Բոլոնիայի գործընթացին,
• ռազմավարության և քաղաքականության մշակմանը, ստանձնած պարտավորությունների իրականացմանը, կրթական և այլ առանցքային հաստատությունների ներգրավմանը կրթական չափորոշիչների մշակման և կիրառման, կրեդիտային համակարգի ներդրման գործընթացում,
• համապատասխան կրթական եւ ուսումնական ծրագրերի մշակմանը հումանիտար և սոցիալական գիտություններում, դրանց արդիականացմանը,
• շարունակական կրթության ոլորտում մասնագետների վերապատրաստման ակտիվացմանը՝ հիմնական շեշտը դնելով հեռաուսուցման մեթոդների օգտագործման վրա, սեփական դասընթացների ակտիվացմանը, ուսանողների՝ եվրոպական և ամերիկյան առաջատար համալսարանների հեռաուսուցման դասընթացներին մասնակցության ապահովմանը:
Այս նպատակներին հասնելու համար նախատեսվում են՝
• կրթության չափորոշիչների մշակում և ներդրում,
• կրեդիտային համակարգի ծանոթացում, մշակում և կիրառում,
• կրթության որակի ապահովում և դիպլոմների համապատասխանեցում միջազգայինի հետ:
Հատուկ կամ ներառական կրթության ոլորտում â–¡Գործընկերություն հանուն բաց հասարակությանâ–¡ նախաձեռնությունն իր առաքելությունը համարում է` աջակցել հատուկ կրթական հաստատություններում բարեփոխումների իրականացմանը և գործունեության ակտիվացմանը` նպատակ հետապնդելով ազդեցություն ունենալ ընդունելության հսկողության, որոշումների ընդունման և պարբերական վերանայման ու կրթության որակի վրա:
Արվեստի և մշակույթի ոլորտում Գործընկերությունը կարևորում է` կառավարման և ֆինանսավորման մեխանիզմների, գերակայությունների ընտրության թափանցիկությունը և համապատասխանեցումը միջազգային չափանիշներին, ինչպես նաև՝ նոր տեխնոլոգիաների ներդրումը տվյալ ոլորտում:
Կրթության և գիտության զարգացման կարևորագույն պայմաններից մեկն է նաև գրադարանների և գրահարատարակչության ոլորտի խնդիրներին անդրադառնալը: Այստեղ Գործընկերությունը կարևորում է՝
• թվային գրադարանների ստեղծումն ու շարունակական զարգացումը, դրանց ինտեգրացումը համաշխարհային տեղեկատվական տարածքին,
• գրահրատարակչության ոլորտի թափանցիկության ապահովումը, ինչպես նաև՝ այդ բնագավառի հարկային քաղաքականության մեջ արտոնությունների սահմանումը: |
Կրթություն, գիտություն, մշակույթ
