ՆԱԽԱՁԵՌՆՈՒԹՅՈՒՆՆԵՐ ԶԼՄ եվ խոսքի ազատություն
ԶԼՄ ԵՎ ԽՈՍՔԻ ԱԶԱՏՈՒԹՅՈՒՆ
Մամուլի եւ խոսքի ազատության ասպարեզում "Գործընկերություն հանուն բաց հասարակության" նախաձեռնությունն իր առաքելությունն է համարում աջակցել Հայաստանում անկախ եւ որակյալ լրատվամիջոցների զարգացմանը, քաղաքացիների համար օրախնդիր, օբյեկտիվ տեղեկատվության մատչելիությaն ապահովմանը:
Այս նպատակներին հասնելու համար նախատեսվում է աշխատանքներ իրականացնել երեք հիմնական ուղղություններով.
1. Հասարակության պահանջմունքներն ու հետաքրքրությունները բավարարող, երկրի ժողովրդավարական զարգացմանը նպաստող որակյալ տեղեկատվության "պատվերի" ձեւավորում
- Նեղ խմբակային շահերից ԶԼՄ-ների քաղաքական կախվածությանը, ինչպես նաեւ՝ տեղեկատվական շուկայում օբյեկտիվ և դեպի լայն հասարակական հետաքրքրությունները կողմնորոշված մամուլի պահանջմունքի ձեւավորման համար անհրաժեշտ միջոցների բացակայությանն այլընտրանքների որոնում:
- ԶԼՄ-ների՝ իբրեւ ինքնուրույն բիզնեսի ամրապնդման համար շուկայական ռեսուրսների առավելագույն օգտագործմանն ուղղված միջոցառումների իրականացում: Դոնոր կազմակերպությունների ջանքերի ու հնարավորությունների ուղղուրդում հասարակության պահանջմունքներին եւ որակյալ լրագրության չափանիշներին բավարարող հաղորդումների եւ հրապարակումների խթանմանը:
- Հատուկ ուշադրություն բազմակարծությանը հեռուստաեթերում: Աջակցություն անկախ հեռարձակողների՝ հեռուստաշուկա մուտք գործելուն:
2. ԶԼՄ-ների բնագավառի օրեսդրության կատարելագործում, դրա համապատասխանեցում միջազգային չափանիշներին եւ Եվրոպայի խորհրդի առջեւ Հայաստանի ստանձնած պարտավորություններին
- "Հեռուստատեսության եւ ռադիոյի մասին" օրենքի սկզբունքային բարելավում, մասնավորապես՝ հեռարձակման բնագավառը կարգավորող մարմինների անկախության երաշխիքների ուժեղացում:
- "Զանգվածային լրատվության մասին" օրենքի կատարելագործում եւ հարակից օրենսդրության համապատասախնեցում դրան:
- "Տեղեկատվության ազատության մասին" օրենքի գործնական կիրառման ապահովում:
- Քրեական օրնսգրքից զրպարտության եւ վիրավորանքի համար պատասխանատվություն նախատեսող դրույթների վերացում:
3. ԶԼՄ-ների գործունեության մեջ ինքնակարգավորման սկզբունքների ներդրում
- Տեղեկատվության ոլորտում օրենսդրության ազատականացմանը զուգահեռ, աջակցություն մասնագիտական վարքի համընդհանուր նորմերին հետեւելու միջոցով մամուլի գործունեությանն առնչվող բախումները վերացնելու եւ կանխելու՝ լրագրողական հանրության նախապատրաստմանը:
- Աջակցություն զանգվածային լրատվության միջոցների եւ լրագրողական միավորումների կողմից լրագրողական էթիկայի կանոնագրերի մշակմանն ու ընդունմանը, ինչպես նաեւ՝ ԶԼՄ - ների գործունեության մեջ ինքնակարգավորման սկզբունքների ներդրմանն օժանդակող մեխանիզմների եւ կառույցների (Մամուլի խորհուրդների տիպի) ձեւավորմանը:
|
ԶԼՄ եվ խոսքի ազատություն
