2009 Մայիսի 22-ի Կոնգրես հյուրանոցի  <<Բոլլ>> սրահում  Գործընկերություն հանուն բաց հասարակության նախաձեռնությունը կազմակերպեց ՀՀ Ոստիկանության ձերբակալված անձանց պահելու վայրերում վերահսկողություն իրականացնող հասարակական դիտորդական խմբի 2008 թվականի տարեկան  հաշվետվության ներկայացումը:

Բացման խոսքով հանդես եկավ ՀՀ Ոստիկանության ձերբակալված անձանց պահելու վայրերում վերահսկողություն իրականացնող հասարակական դիտորդական խմբի նախագահ Ս.Իսկանդարյանը,  որը նախ շնորհակալական խոսք հայտնեց անցած երեք տարիների ընթացքում խմբի գործունեությանը աջակցելու և համագործակցելու համար Բաց հասարակության ինստիտուտի օժանդակության հիմնադրամի հայկական մասնաճյուղի գրասենյակին, ԵԱՀԿ-ի Երևանյան գրասենյակին, Հայաստանի Հելսինկյան կոմիտեին, Քաղաքացիական հասարակության ինստիտուտ հասարակական կազմակերպությանը, Հայաստանի Հանրապետության  Ոստիկանության անձնակազմին: Պարոն Իսկանդարյանը անդրադարձավ դիտորդական խմբի լիազորություններին և պարտականություններին, նշեց անցած մեկ տարվա ընթացքում դիտորդական խմբի ձեռքբերումները:

Հաջորդը ելույթ ունեցավ դիտորդական խմբի անդամ` Անի Ներսիսյանը և ներկայացրեց հաշվետվությունը, որտեղ անդրադարձավ չգործող ՁՊՎ-ներին, ազատությանը և անձնական անձեռնմխելիությանը, խոշտանգման դեպքերին, ՁՊՎ-ներում ձերբակալված և կալանավորված անձանց անօրինական պահման դեպքերին: Առավել ուշագրավ էին դիտորդական խմբի կողմից արձանագրած մի քանի դեպքեր կապված օրապահիկ սննդի, անօրինական պահման և բռնության ենթարկված ձերբակալվածների հետ: Ըստ Անի Ներսիսյանի. գրեթե բոլոր Հանրապետության ՁՊՎ-ներում ձերբակալվածները 3 անգամյա սննդի փոխարեն ստանում են մեկ անգամյա սնունդ: Դիտորդական խումբն արձանագրել էր մի շարք դեպքեր` բռնության ենթարկված ձերբակալվածներ աչքերի տակ կապտուկներով, չմշակված վերքերով: Նրանք փաստել են, որ իրենց ծեծի են ենթարկել ոստիկանության բաժիններում:  

Զեկույցում տեղ գտան նաև փաստեր կապված ձերբակալված և կալանավորված անձանց զբոսանքի և զբոսաբակերի, ձերբակալված անձանց բուժսանիտարական օգնությանը, ՁՊՎ-ների անձնակազմներին և նրանց խնդիրներին, որոնք ստանում են շատ ցածր աշխատավարձ: Անգամ ձմռան ցուրտ ամիսներին չի ջեռուցվում հերթապահների այն սենյակները, որտեղ 24 ժամ գտնվում է հերթապահ ոստիկանը. <<Երբեմն նրանց պայմաններն ավելի վատն են, քան ձերբակալվածներինը>>: 

Հաջորդը դիտորդական խմբի նախագահ Ս.Իսկանդարյան ներկայացրեց համեմատություններ 2008 թվականի հաշվետվության մեջ տեղ գտած թերությունների և ՀՀ ոստիկանության կողմից այդ թերությունները վերացրած արդյունքների միջև: Պետք է նշել, որ ՀՀ ոստիկանությունը որոշ դեպքերում շատ լուրջ էր մոտեցել  տարեկան հաշվետվության մեջ տեղ գտած թերություններին և փաստարկներին և շատ կարճ ժամանակահատվածում կատարել էր շատ մեծ աշխատանք:  

Հաջորդը ելույթ ունեցավ ՀՀ Ոստիկանության Հասարակական Կարգի Ապահովման վարչության պետի տեղակալ, Ոստիկանության գնդապետ Կ. Մեհրաբյանը և ներկայացրեց ՀՀ Ոստիկանության մեկնաբանությունները հաշվետվության վերաբերյալ: Նա նախ և առաջ շնորհակալություն հայտնեց դիտորդական խմբի կատարած աշխատանքի համար: Ներկայացվեց, որ խմբի կողմից ներկայացված ոչ բոլոր փաստերն են համապատասխանում իրականությանը (Եղեգնաձոր, Վայք, Չարենցավան, Մեղրի և այլն): Նշվեց, որ ՀՀ գործող բոլոր ՁՊՎ-ներում կատարվել և կատարվում են պայմանների< Ետ