«Աքիլես» ավտովարորդների իրավունքների պաշտպանության կենտրոն» հասարակական կազմակերպությունը, որը հանդիսանում է «Գործընկերություն հանուն բաց հասարակության» նախաձեռնության անդամ, նպատակ ունի նպաստել ավտոճանապարհային երթևեկության բնագավառում առկա պրոբլեմների լուծմանը ժողովրդավարական ճանապարհով` աշխատելով պետական կառույցների և հասարակական կազմակերպությունների հետ:

Սույն թվականի հոկտեմբերի 16-ին Կենտրոնը կազմակերպել էր մամուլի ասուլիս` քննարկելու այն օրենսդրական ակտերը, որոնք ներկայումս կանոնակարգում են այս բնագավառը, ինչպես նաև տեղեկացնելու հասարակությանը հարուցված դատական գործերի և կենտրոնի կողմից օրենսդրությունը բարելավելու նպատակով արված առաջարկների մասին, որպեսզի վարորդների իրավունքները ավելի լավ պաշտպանված լինեն: Պարոն Էդուարդ Հովհաննիսյանը` կենտրոնի նախագահը, տեղեկացրեց, որ 2008-2009թթ. ընթացքում կազմակերպությունը վարորդների խնդրանքով պաշտպանել է նրանց իրավունքները  վարչական դատարանում: 62 ավարտված գործից 50-ը ստացել են դրական պատասխան, իսկ երեք գործ գտնվում է Վճռաբեկ դատարանում: Նա նաև տեղեկացրեց, որ այս գործերից շատերը կապված են ճանապարհային ոստիկանության կողմից սխալ ընթացակարգերի կիրառման հետ, մասնավորապես, երբ դեպքը վերաբերում է վարորդի հարբածության ստուգմանը: Նման դեպքերը կանխելու կամ նվազագույնի հասցնելու նպատակով «Աքիլես»-ը առաջարկություններ է արել կառավարությանը` բարելավելու առկա ճանապարհատրանսպորտային օրենքները: Պարոն Հարությունյանը նաև վարորդներին խորհուրդ տվեց քաջատեղյակ լինել իրենց իրավունքներից` դրանք ավելի լավ պաշտպանելու նպատակով: