Խոսքի ազատության պաշտպանության կոմիտեն Բաց հասարակության ինստիտուտի oժանդակության հիմնադրամի հայաստանյան մասնաճյուղի եւ Նիդեռլանդների Թագավորության  կառավարության աջակցությամբ իրականացված ծրագրի շրջանակներում հրատարակել է «ԶԼՄ-ները եւ հանրային շահերի պաշտպանությունը» ժողովածուն:

Այն իր մեջ ներառում է՝  «Մարզային լրատվամիջոցներ. իրավիճակ, խնդիրներ, ակնկալիքներ» զեկույցը, որում ամփոփված են ԽԱՊԿ-ի եռամյա մոնիտորինգի հիմնական արդյունքները,  2009 թվականին երկրի 10 մարզերում եւ մայրաքաղաքում ԶԼՄ-ների, հասարակական ու քաղաքական կազմակերպությունների ներկայացուցիչների շրջանում անցկացված փորձագիտական հետազոտության՝ «Մարզային եւ համերկրային լրատվամիջոցների ազատությունը. գնահատականներ եւ ինքնագնահատականներ» վերլուծությունը, ինչպես նաեւ՝ «Հայաստանում լրագրողների եւ ԶԼՄ-ների իրավունքների խախտումների մասին» ԽԱՊԿ-ի տարեկան (2009 թվականի) զեկույցը:

Գիրքը հրատարակվել է երեք լեզվով՝ հայերեն, ռուսերեն, անգլերեն: Գրքի էլեկտրոնային տարբերակը կարելի է գտնել այստեղ կամ www.partnership.am կայքի <<Ընդհանուր հրատարակություններ>> բաժնում: