«Գործընկերություն հանուն բաց հասարակության»  նախաձեռնությունը (ԳՀԲՀ), որը ներկայացնում է քաղաքացիական հասարակության վաթսունից ավել կազմակերպություն, կազմակերպել էր Եվրոպական հարևանության քաղաքականության ծրագրի (ԵՀՔ) 2009թ.-ի իրականացման` քաղաքացիական հասարակության զեկույցի ներկայացմանը, որը տեղի ունեցավ ս.թ. մարտի 3-ին, 14:00-17:30, Կոնգրես հյուրանոցի «Բոլլ» սրահում:

ԳՀԲՀ-ն համակարգային ներգրավվածություն է ունեցել Հայաստանի ԵՀՔ ծրագրի գործընթացում և  հակված է եղել խթանել և աջակցել ԵՀՔ իրականացման գործընթացը Հայաստանում դրա առաջին իսկ փուլերից` Երկրի զեկույցի պատրաստման պահից ի վեր: ԵՀՔ-ի առաջին իսկ օրերից ԳՀԲՀ անդամները հետևել են մի շարք ոլորտներում գործողությունների ծրագրի իրականացմանը և տարեկան հաշվետվությունների տեսքով ներկայացրել ծրագրի ընթացքը: Սա ԳՀԲՀ անդամների և փորձագետների կողմից պատրաստված երրորդ տարեկան հաշվետվությունն է, որին աջակցել է Բաց հասարակության ինստիտուտի օժանդակության հիմնադրամի հայաստանյան մասնաճյուղը:

Քննարկմանը մասնակցել են ՀՀ պետական պաշտոնյաներ, ՀՀ-ում հավատարմագրված դեսպաններ, միջազգային կազմակերպությունների, քաղաքացիական հասարակության ներկայացուցիչներ, լրատվամիջոցների ներկայացուցիչներ:

Համաժողովի օրակարգը կցված է:

Զեկույցի օրինակը ձեռք բերելու համար կարող եք դիմել Գործընկերության գրասենյակ: