ՆԱԽԱՁԵՌՆՈՒԹՅՈՒՆՆԵՐ Հանրային առողջապահություն, բնապահպանություն
ՀԱՆՐԱՅԻՆ ԱՌՈՂՋԱՊԱՀՈՒԹՅՈՒՆ, ԲՆԱՊԱՀՊԱՆՈՒԹՅՈՒՆ
Հանրային առողջապահություն
Կարևորելով հանրային առողջապահության ոլորտում իրականացվող գործընթացներին աջակցելու անհրաժեշտությունը` "Գործընկերություն հանուն բաց հասարակության" նախաձեռնությունը նախատեսում է արձագանքել հետեւյալ խնդիրներին.
• հանրային առողջության բարելավմանն ուղղված օրենսդրական դաշտի կատարելագործում, մասնավորապես՝ խոցելի խմբերի, ՄԻԱՎ/ՁԻԱՀ-ով տառապողների, թմրանյութեր ներերակային օգտագործողների, ինչպես նաև՝ հոգեկան հաշմանդամությամբ տառապող մարդկանց իրավական վիճակի բարելավում, նրանց նկատմամբ մարդու իրավունքների պաշտպանություն, խտրականության առկայության ճանաչում ու դրա հետագա բացառում օրենքով,
• աջակցություն հանրային առողջապահությանը նպաստող նախաձեռնություններին, հատկապես` պետական պատվերի և բժշկական ապահովագրության ոլորտներում,
• բնակչության խոցելի խմբերի, հատկապես` թմրանյութերի ներերակային օգտագործողների, մարմնավաճառների, ՄԻԱՎ/ՁԻԱՀ-ով տառապողների, ինչպես նաև հաշմանդամների խնդիրները հասարակության ուշադրությանն արժանացնելու, դրանք ճիշտ լուսաբանելու և դրանց կանխարգելմանը նպաստելու ծրագրերի աջակցություն,
• առողջության ոլորտում համայնքային ծառայությունների անհրաժեշտության և հոգեկան հաշմանդամների առողջական, սոցիալական կարիքների լուսաբանմանն ու բարելավմանն ուղղված միջոցառումների խրախուսում:
Բնապահպանություն
Բնապահպանության ոլորտում "Գործընկերություն հանուն բաց հասարակության" նախաձեռնությունը կարևորում է՝
• բնապահպանական խնդիրները կարգավորող օրենսդրության բարելավում և համապատասխան իրավական քաղաքականության ձևավորում,
• կլիմայական փոփոխությունների հանգեցնող գործընթացների՝ բուսական ու կենդանական աշխարհի ոչնչացման կանխարգելմանն ուղղված իրավական քաղաքականության մշակում,
• կանաչապատ տարածքների պահպանման և ընդլայնման ուղղությամբ հանրության լայն հատվածների իրազեկում, խնդրի գիտակցման բարձրացում և հնարավորին չափ ակտիվ մասնակցության ապահովում,
• նույնական խնդիրների լուծմանն ուղղված տարածաշրջանային համագործակցության խթանում: |
Հանրային առողջապահություն, բնապահպանություն
