Տեղեկացնում ենք, որ Հայաստանում առաջին անգամ գործում է www.iditord.org կայքը, որի նպատակն է նպաստել ազատ, արդար և թափանցիկ խորհրդարանական ընտրություններին Հայաստանում:

Ս.թ. մայիսի 11-ին, ժամը 11:00-ին «Գոլդեն Թուլիփ Երևան» հյուրանոցի Վիվալդի սրահում կկայանա մամուլի ասուլիս, որի ընթացքում Հայաստանի իրավապաշտպան հասարակական կազմակերպությունները կներկայացնեն իրենց դիտարկումները և գնահատականը 2012թ. խորհրդարանական ընտրությունների վերաբերյալ:

 2012թ. մայիսի 6-ին Հայաստանի Հանրապետությունում տեղի ունեցան խորհրդարանական ընտրություններ, որոնք, ցավոք, չեն կարող խթան հանդիսանալ երկրի իրական ժողովրդավարացման գործընթացների համար և չեն վկայում ընտրությունների ինստիտուտը բարեփոխելու` իշխանությունների քաղաքական կամքի մասին: